Ózbekstan áýe keńistigin pılotsyz ushaq kesip ótti
TAShKENT. QazAqparat - Ózbekstannyń Ferǵana oblysy Soh aýdanynda shekarashylar respýblıkanyń áýe keńistigin eshqandaı tanym belgisi joq pılotsyz ushaq kesip ótkenin habarlady, dep jazady AN Podrobno.uz. saıty Ózbekstan Respýblıkasy Qaýipsizdik qyzmetiniń Memlekettik shekara kúzeti komıtetine silteme jasaı otyryp.
«16 jeltoqsan kúni saǵat 11-15-te aq tústi pılotsyz ushaq (eshqandaı belgileri joq) 200-250 metr bıktikte Ózbekstan aýmaǵy Soh aýdany Lımbýr eldi mekeni tusynan ushyp ótti. Ol Qyrǵyz Respýblıkasy Batken oblysy Aıdarken aýdany Apqan eldi mekeni tarapynan ushyp kelgen.
Atalǵan ushqysh apparat Ózbekstan aýmaǵyna 7,5 shaqyrymdaı endep, saǵat 12-15-te keri Qyrǵyz Respýblıkasy tarapyna ushyp ketti
ÓR Qaýipsizdik qyzmeti Memkelkettik shekara kúzeti komıteti endi atalǵan jaǵdaı qaıtalanatyn bolsa, respýblıkanyń áýe keńistigin qorǵaý úshin barlyq shara qoldanylatynyn málimdedi», delingen habarlamada.
