Ózbekstan aýasy eń las álem elderiniń reıtıngisinde 59-shy orynǵa jaıǵasty
TAShKENT. KAZINFORM — Ózbekstan bıyl qorshaǵan ortanyń lastanýy boıynsha álemdegi 115 eldiń ishinde 59-shy orynǵa jaıǵasty, dep habarlaıdy Kazinform agenttiginiń Tashkenttegi menshikti tilshisi.
Numbeo taldaý platformasynyń zertteýine saı, respýblıkada lastaný ındeksi 60 pýnkt shamasynda baǵalanyp otyr. Osylaısha, Ózbekstan TMD memleketteri arasynda jetinshi orynda. Bul rette álemdik reıtıngide Qazaqstan — 30, Qyrǵyzstan — 34, al Ázerbaıjan 35-shi orynǵa jaıǵasqan.
Numbeo platformasynyń esebine sáıkes, aýasy eń las elder kóshin Kamerýn, Mıanma jáne Lıvan bastap tur.
Eske salaıyq, Ózbekstanda qaýipti ónerkásip nysandaryndaǵy ereje buzý deregin habarlaǵandar syıaqy alady.
Buǵan deıin habarlaǵanymyzdaı, byltyr ózbekstandyq kásiporyndar aýany lastaıtyn shyǵaryndylardy 2 ese qysqartýǵa mindetteldi. Ózbekstannyń iri qalalarynda qorshaǵan ortaǵa zalal keltiretin kásiporyndardy ashýǵa tyıym salynady.
