Ózbekstan áskerinde dronnan tónetin qaýipti toıtarýǵa jaýapty bólimsheler qurylady
TAShKENT. KAZINFORM — Ózbekstan prezıdenti Shavkat Mırzıeev eldiń qaýipsizdigin nyǵaıtý men qorǵanys qaýqaryn kúsheıtý máseleleri boıynsha keńes ótkizdi, dep habarlaıdy Kazinform agenttiginiń menshikti tilshisi.
Onyń barysynda Ózbekstan basshysy áskerdiń áleýetin búginde bolyp jatqan qarýly qaqtyǵystardy eskere otyryp arttyrýdyń mańyzyna toqtaldy.
ıAǵnı, qazirgi aımaqtyq shıelenisterde jasandy ıntellektpen jumys isteıtin tehnologııalar, zymyrandar men drondar qoldanylady.
Osyǵan baılanysty Shavkat Mırzıeev drondarǵa qarsy áreket etetin bólimsheler jasaqtaýdy tapsyrdy. Munymen birge, prezıdent atap ótkendeı, Ózbekstan áskerinde jasandy ıntellekt pen robototehnıkany qoldana otyryp, qaterlerdi toıtaratyn kıberqaýipsizdik qurylymdary bolýy tıis.
Eske salaıyq, byltyr jeltoqsanda Ózbekstan prezıdenti Qarýly kúshter men quqyq qorǵaý organdary qyzmetkerleriniń jaýyngerlik ázirligi men tıimdiligin arttyrýǵa baǵyttalǵan zańǵa qol qoıdy.
Qujatqa saı, áskerı qyzmetshilermen quqyq qorǵaý organdary mamandarynyń qumar oıyn oınaýyna, shetel azamattyǵyn jáne ýaqytsha turý yqtııarhatyn alý úshin ótinish berýine shekteý qoıyldy.