Ózbekstan armııasy esirtkige tosqaýyl qoımaq: Jańa tekseris talaby
ASTANA. KAZINFORM — Ózbekstanda áskerge shaqyrylatyn azamattar men kelisimshart boıynsha áskerı qyzmetke ornalasqysy keletinder esirtki qoldanǵan-qoldanbaǵany boıynsha tekserýden ótedi. Bul týraly Kazinform agenttigi habarlady.
Bul tártipti Ádilet mınıstrligi resmı túrde tirkedi.
Medıtsınalyq tekserý eki kezeńde júrgiziledi. Birinshi kezeńde ekspress-test ótkiziledi. Test nátıjesi oń bolǵan jaǵdaıda, alynǵan úlgi qosymsha zerthanalyq zertteýge jiberiledi. Esirtkini anyqtaý synamasynyń nátıjesi oń bolǵan nemese úlgi berýden bas tartqan azamattar áskerı-dárigerlik kýálandyrýdan ótýge jiberilmeıdi.
Jeke derekter men zertteý nátıjeleri qupııa saqtalady.
Buǵan deıin Ózbekstan ekstremızm týraly zańdy jeńildetip, ınternettegi baqylaýdy kúsheıtkeni habarlanǵan bolatyn.
Aqzat Jıenalına
