Ózbekstan alǵash ret BUU-nyń ekonomıkalyq jáne áleýmettik keńesine múshe boldy

TAShKENT. KAZINFORM — Tuńǵysh ret Ózbekstan Birikken Ulttar Uıymynyń (BUU) Ekonomıkalyq jáne áleýmettik keńesiniń quramyna endi, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Ózbekstan Syrtqy ister mınıstrliginiń málimetine saı, respýblıkanyń atalǵan keńes quramyna enýi boıynsha saılaý ótken aptanyń sońynda Nıý-Iork qalasynda ótti. Onyń nátıjesi jasyryn daýys berý arqyly anyqtaldy.

«Ózbekstan prezıdentiniń basshylyǵymen júrgizilip jatqan júıeli reformalar halyqaralyq qoǵamdastyq pen BUU-ǵa múshe memleketter tarapynan qeń qoldaýǵa ıe bolyp keledi. Sonyń nátıjesinde bizdiń elimiz BUU-nyń osy negizgi organyna saılandy», — delingen Syrtqy ister mınıstrliginiń málimdemesinde.

Ózbekstan 2025-2027 jyldar aralyǵynda atalǵan keńestiń múshesi bolady.

Aıta keteıik, Ekonomıkalyq jáne áleýmettik keńes — BUU-nyń ekonomıkalyq jáne áleýmettik salalar qyzmetin úılestirý jónindegi bas organy sanalady.

Onyń quramyna 54 memlekettiń ókili kiredi.

Qosa ketsek, Qazaqstan atalǵan keńeske 2022 jyldan beri múshe.