Ózbekstan álemdegi eń qonaqjaı 25 eldiń qataryna kirdi

TAShKENT. QazAqparat – Passport Index jyl saıynǵy reıtıngine sáıkes, Ózbekstan álemniń eń qonaqjaı elderiniń top-25 tizimine endi, dep habarlaıdy QazAqparattyń menshikti tilshisi.

Reıtıng azamattardyń elge vızasyz kirýin eskeredi. Ózbekstan reıtıngte 25-shi oryn alyp, Ortalyq Azııanyń eń qonaqjaı eli atandy.

Reıtıngke sáıkes, álemniń 139 eli Ózbekstanǵa vızasyz kele alady nemese ony kelgen soń ala alady.

Ortalyq Azııa elderiniń arasynda Tájikstan 49 orynda (87 memlekettiń azamattary vızasyz kele alady), Qyrǵyzstan – 53 orynda (80 el), Qazaqstan - 54-shi orynda (77 el).

Bul tizimde 22 memleket kóshbasshy, olardyń basym bóligi Afrıka qurlyǵynda ornalasqan (Nıgerııa, Efıopııa, Gabon, Rýanda, Djıbýtı jáne t.b.). Maldıv, Kambodja men Komor araldary da birinshi orynda. 198 memlekettiń azamattary osy elderge vızasyz bara alady.

Reıtıngi Túrikmenstan, Aýǵanstan men Soltústik Koreıa túıindep tur – bul elderge vızasyz kirýge ruqsat joq.

Buǵan deıin habarlanǵandaı, Ózbekstanda jańa jyldyń birinshi aıynda sheteldik týrıster aǵyny 2,5 ese ósken.