Ózbekstan Aı-80 benzıninen tolyq bas tartýdy 2028 jylǵa deıin shegerdi
TAShKENT. KAZINFORM — Ózbekstanda 2028 jyldan bastap kezeń-kezeńimen Aı-80 markaly benzındi paıdalanýǵa tyıym salynady dep josparlanyp otyr. Buǵan deıin eldiń 2025 jyldan bastap janarmaıdyń bul markasynan bas tartatyny habarlanǵan bolatyn.
Ózbekstanda Aı-80 benzınin paıdalanýǵa tyıym salý merzimi keıinge shegerildi. Bul Shavkat Mırzıeevtiń 24 qyrkúıektegi shańdy daýylmen kúresý jáne aýanyń sapasyn jaqsartý boıynsha birinshi kezektegi sharalar týraly sheshiminde naqtylandy.
— Qaýlyda bekitilgendeı, Tashkent qalasynyń atmosferalyq aýasynyń sapasyn jaqsartýǵa baǵyttalǵan shuǵyl sharalar baǵdarlamasyna sáıkes, 2028 jyldan bastap ekologııalyq kategorııasy «Eýro-4» standartynan tómen avtokólik janarmaıyn paıdalaný jáne satý kezeń-kezeńimen shekteledi, — delingen habarda.
Aıta keteıik, elimizdiń ońtústik óńirlerinde AI-92, AI-95 benzınin jáne dızel otynyn tutyný aıtarlyqtaı óskeni baıqalǵan.
Osyǵan oraı 10 qańtar kúni QR Premer-Mınıstriniń birinshi orynbasary Roman Sklıardyń tóraǵalyǵymen ishki naryqty munaı ónimderimen qamtamasyz etý máselesi boıynsha keńes ótken bolatyn.
Buǵan negizgi sebep bolyp otyrǵan jaǵdaılar — kórshi eldermen salystyrǵanda, Qazaqstandaǵy baǵa aıyrmashylyǵyna baılanysty munaı ónimderiniń syrtqa ketýi jáne «sur eksport».
