Ózbekstan 5 myńnan astam azamatyn Ýkraınadan evakýatsııalady

TAShKENT. QazAqparat – Ózbekstan on kúnniń ishinde 5 myńnan astam otandasyn Ýkraınadan evakýatsııalady. Bul týraly Ózbekstan SІM resmı ókili ıÝsýp Kabýljanov málim etti, dep habarlaıdy QazAqparat menshikti tilshisi.

«28 aqpannan 9 naýryzǵa deıingi aralyqta Uzbekistan Airways 22 áýe reısi Polsha arqyly Ýkraınadaǵy áskerı qaqtyǵys bolyp jatqan aımaqtan 5037 Ózbekstan azamatyn evakýatsııalady», - dedi dıplomat.

Onyń aıtýynsha, Ýkraınanyń ártúrli bóligindegi azamattardy shyǵarý jumystary júrip jatyr. Sondaı-aq Moldova arqyly ózbekstandyqtardy evakýatsııalaý máselesi qaralyp jatyr.

«Ýkraınadaǵy bizdiń eldiń elshiligi Sýma qalasynan 23 ózbekstandyq stýdentti halyqaralyq gýmanıtarlyq uıymdardyń kómegimen evakýatsııalady. Olar dıpmıssııa jalǵa alǵan avtobýspen Lvov qalasyna ketip bara jatyr», - dep atap ótti SІM ókili.