Ózbekstan 3 mln dollar quıǵan sheteldikterge 10 jyl turýǵa yqtııarhat beredi

TAShKENT. QazAqparat - Ózbekstan bıligi el ekonomıkasyna 3 mln dollar ınvestıtsııa quıǵan sheteldikterge 10 jyl turýǵa yqtııarhat beredi, dep habarlaıdy QazAqparat ÓzA agenttigine silteme jasap.

El úkimeti sheteldik ınvestorlarǵa arnalǵan «ınvestıtsııalyq vıza» engizý týraly qaýly qabyldady.

Ózbekstannyń Ádilet mınıstrliginiń málimdeýinshe, kez kelgen sheteldik ınvestor Ózbekstannyń ekonomıkasyna úsh mıllıon dollar kóleminde ınvestıtsııa salatyn bolsa, oǵan Ózbekstanda 10 jyl turýǵa ruqsat beretin yqtııarhat beriledi. Osy 10 jyldyq merzimde ınvestordyń otbasy músheleri Ózbekstandaǵy JOO-da oqýyna bolady, oqý kezinde oǵan shákirtaqy tólenedi, tipti joǵary bilimnen keıin de oqýdy jalǵastyrý múmkindikteri qarastyrylǵan.

Investıtsııalyq vızany Ózbekstannyń jergilikti ishki ister organdary beredi.

Aıta keteıik, vızanyń osy túri kórshi elde buryn da bar bolǵan. Biraq onyń merzimi 5 jyl edi.