Ózbekstan 2030 jylǵa qaraı IT-qyzmetter eksportyn $5 mlrd jetkizedi
TAShKENT. KAZINFORM — Ózbekstan prezıdenti Shavkat Mırzıeev eldegi IT-qyzmetter eksportyn damytý josparlarymen tanysty, dep habarlaıdy Kazinform agenttiginiń Tashkenttegi menshikti tilshisi.
Keńeste málim bolǵandaı, 2030 jylǵa qaraı Ózbekstan IT-qyzmetter eksportyn 5 mlrd dollarǵa jetkizip, salaǵa 2 mlrd dollar ınvestıtsııa tartýdy josparlanyp otyr.
Atalǵan sektordy ilgeriletý maqsatynda Talent Hub baǵdarlamasyn iske qosý usynyldy. Bul joba sheteldik mamandar men ınvestorlarǵa kásiporyndy onlaın tirkeýge, bank shotyn ashýǵa jáne halyqaralyq bank kartasyn rásimdeýge múmkindik beredi.
Sondaı-aq, IT Park-tiń rezıdenti sanalatyn kompanııalardyń qyzmetkerlerine arnalǵan salyqtyq jeńildikterdi 2040 jylǵa deıin uzartý jáne IT Visa men Zero Risk baǵdarlamalaryn keńeıtý usynyldy.
IT-qyzmetterdi eksporttaýshy kásiporyndarǵa qosymsha qoldaý sharalary da qarastyrylady. Olardyń qatarynda jalaqy tóleý shyǵyndarynyń bir bóligin óteý jáne halyqaralyq sertıfıkat alýǵa ketetin qarajatty qaıtarý.
Eske salaıyq, bıyl úsh aıda Qazaqstannan Ózbekstanǵa baǵyttalǵan aqsha aýdarymdary 155 mln dollardan asty.
Munymen birge 2026 jyly Ózbekstan úkimeti shyǵynǵa batqan kásiporyndardy qoldaýǵa $50 mln baǵyttaıdy.
Buǵan deıin habarlaǵanymyzdaı, Ózbekstan 2030 jylǵa deıin kóleńkeli ekonomıkanyń kólemin 2 ese qysqartýǵa nıetti.
