Ózbekstan 2030 jylǵa qaraı 20 mln sheteldik týrıst qabyldaýǵa nıetti

TAShKENT. KAZINFORM — Ózbekstan 2030 jylǵa qaraı elge keletin sheteldik týrıster sanyn 20 mıllıonǵa deıin arttyrýdy josparlap otyr, dep habarlaıdy Kazinform agenttiginiń menshikti tilshisi.

«Ózbekstan — 2030» jańartylǵan strategııasyna saı, aldaǵy 4 jylda resmı Tashkent týrızmnen túsetin paıdanyń ishki jalpy ónimdegi úlesin qazirgi 3,5%-dan 7%-ǵa deıin ulǵaıtýǵa múddeli.

Sonymen qatar, el úkimetiniń aldyna týrıstik qyzmet eksportynyń jyldyq kólemin 6 mlrd dollarǵa jetkizý mindeti qoılyp otyr.

Eske salaıyq, byltyr kórshiles elge 11,7 mln sheteldik týrıst kelgen. Onyń ishinde Qyrǵyzstan (3,3 mln adam), Tájikstan (2,7 mln adam) jáne Qazaqstan (2,7 mln adam) azamattarynyń úlesi basym.

Qosa ketsek, naýryz aıynan bastap Tashkentten Atyraýǵa tikeleı áýe reısi ashylady.
Sondaı-aq, Ózbekstan bıligi 2030 jylǵa qaraı ózara vızasyz saıahattaı alatyn memleketterdiń sanyn 50-ge deıin ulǵaıtýdy josparlap otyr.