Ózbekstan 2030 jylǵa deıin ishki jalpy ónim kólemin 240 mlrd dollarǵa jetkizbek

TAShKENT. KAZINFORM – Ózbekstan úkimeti 2030 jylǵa deıin el ekonomıkasyn 240 mlrd dollardan asyrýdy josparlap otyr. Bul týraly prezıdent Shavkat Mırzıeev qol qoıǵan «Ózbekstan - 2030» Strategııasyn iske asyrýǵa baǵyttalǵan Jarlyqta jazylǵan, dep habarlaıdy Kazinform agenttiginiń Tashkenttegi menshikti tilshisi.

- Qajetti jaǵdaı jasaý, salalardy tehnologııalyq ilgerileý modeline kóshirý arqyly bıyl ishki jalpy ónimniń kólemin - 167 mlrd dollar, al 2030 jylǵa deıin ony 240 mlrd dollardan asyrý qajet. Jyldyq ekonomıkalyq ósimdi 6,6%-ǵa deıin jetkizý, ınflıatsııa deńgeıin 6%-ǵa deıin tómendetý jáne bıýdjet tapshylyǵynyń ishki jalpy ónimdegi úlesin 3% deńgeıinde saqtaý sharalary qabyldansyn, - delingen Jarlyqta.

Sondaı-aq, el úkimetiniń aldyna 1 mln azamatty turaqty jumyspen qamtamasyz ete otyryp, 263 myń otbasyn kedeılikten sheginen shyǵarý mindeti qoıylyp otyr. Buǵan qosa, Mınıstrler kabıneti ekonomıkaǵa 50 mlrd dollar kóleminde sheteldik ınvestıtsııa tartý úshin qajetti jaǵdaı jasaýy tıis.

Eske salsaq, byltyr Ózbekstannyń ishki jalpy ónim kólemi 145 mlrd dollardan asty.

Munymen birge, 2025 jyldyń 9 aıynda Ózbekstannyń jalpy memlekettik qaryzy 11,3 mlrd dollarǵa kóbeıip, onyń jalpy somasy 75 mlrd dollardan asty.