Ózbekstan 2030 jylǵa deıin kóleńkeli ekonomıkanyń kólemin 2 ese qysqartýǵa nıetti
TAShKENT. KAZINFORM — Ózbekstan prezıdenti Shavkat Mırzıeev eldegi kóleńkeli ekonomıkanyń úlesin qysqartýǵa baǵyttalǵan jumystardyń barysymen tanysty, dep habarlaıdy Kazinform agenttiginiń Tashkenttegi menshikti tilshisi.
Keńeste málim bolǵandaı, keıingi jyldary kóleńkeli ekonomıkaǵa qarsy is-qımyl jónindegi arnaıy jáne aýmaqtyq komıssııalardyń qyzmeti jolǵa qoıyldy. Salyq jáne keden organdary tıisti taldaý júrgizildi.
Qabyldanǵan sharalardyń nátıjesinde sońǵy eki jylda baqylanbaıtyn ekonomıkanyń úlesi 35 paıyzdan 23 paıyzǵa deıin tómendedi. Tıisinshe, bıýdjetke qosymsha 38 trln sým ($3,1 mlrd) tústi. Sonymen qatar resmı jumyspen qamtylǵandar 8,5 mıllıonnan asyp, ortasha jalaqy mólsheri 6,5 mln sýmǵa jaqyndady.
Degenmen bul rette kóleńkeli ekonomıkanyń úlesi áli de joǵary. Osyǵan baılanysty Shavkat Mırzıeev jaýapty vedomstvo basshylaryna 2030 jylǵa deıin onyń kólemin eki ese qysqartyp, resmı jumyspen qamtylǵan halyq sanyn 14 mıllıonǵa jetkizýdi tapsyrdy. Buǵan qosa kórshiles eldiń úkimeti onlaın tólemderdiń úlesi 75 paıyzǵa deıin jetkizýge nıetti.
Buǵan deıin habarlaǵanymyzdaı, Ózbekstanda shetel valıýtasyna suranys 20,1 paıyz ósti.
Sondaı-aq, 18 maýsymda Ózbekstannyń Ortalyq banki bazalyq mólsherlemeni ózgerissiz qaldyrý týraly sheshim qabyldady.
