Ózbekstan 2018 jyly eksporttyq ónimder kólemin arttyrmaq
ASTANA. QazAqparat - Ózbekstan eksport kólemin 2018 jyly arttyrýdy kózdep otyr, dep habarlaıdy QazAqparat Ózbekstan Prezıdentiniń resmı saıtyna silteme jasap.
Ózbekstan eksportynyń kólemi byltyrǵy jylmen salystyrǵanda 15%-ke ósken. Bul týraly el prezıdenti Shavkat Mırzıeevtiń tóraǵalymen ótken jıynda málim boldy.
Ózbekstan 2018 jyly jalpy qarjylyq kórsetkishi 12 mlrd dollardan asatyn ónimderdi eksportqa shyǵarmaq.
Sondaı-aq, jıynda Sh. Mırzıeev Qytaı, Reseı, Ońtústik Koreıa, AQSh, Túrkııa jáne Ortalyq Azııa elderine jasaǵan saparlary aıasynda qol jetkizgen kelisimderdiń oryndalýyn qamtamasyz etý qajettigin atap kórsetti.
Baspasóz qyzmetiniń habarlaýynsha, 2016 jyly kásipkerlerdiń ónim eksporttaý qýatyn arttyrýǵa jaǵdaı jasaıtyn birqatar qujattar qabyldanǵan.
