Ózbekctanda kásipker qandastarymyzdyń qatysýymen bıznes-forým ótti

TAShKENT. QazAqparat - Dúnıejúzi qazaqtarynyń qaýymdastyǵy jáne «Otandastar qory» KEAQ Qazaqstan Respýblıkasynyń Ózbekstandaǵy Elshiliginiń, «Atameken» UKP SSP-nyń jáne Ózbekstandaǵy qazaq mádenı ortalyǵynyń qoldaýymen Ózbekstan Respýblıkasynda turatyn isker qandastarymyz ben bıznes-forým ótkizdi, dep habarlaıdy QazAqparat Dúnıejúzi qazaqtary qaýymdastyǵynyń baspasóz qyzmetine silteme jasap.

Dúnıejúzi qazaqtarynyń qaýymdastyǵy bıznes-forým aıasynda shetelde turatyn qandastarmen baılanys ornatý jáne nyǵaıtý jónindegi Dúnıejúzi qazaqtarynyń qaýymdastyǵy jáne qordyń baǵdarlamalarynyń bir bóligi bolyp tabylady. Іs-sharanyń negizgi maqsaty – Ózbekstandaǵy qazaq dıasporasy ókilderimen iskerlik qarym-qatynas ornatý.

Іs-sharaǵa qatysýshy isker otandastardy aldymen Dúnıejúzi qazaqtarynyń qaýymdastyǵy tóraǵasynyń birinshi orynbasary Turysbekov Zaýytbek Qaýysbekuly quttyqtap, Ózbekstandaǵy qandastarmen bıznes-forým ótkizý maqsaty men mıssııasyn túsindirdi. Sonymen qatar, eki el arasyndaǵy ǵasyrlar boıy qalyptasqan baýyrlastyqty odan ári nyǵaıtý úshin iskerlik baılanystardy kúsheıtý kerek ekendigin alǵa tartty.

Zaýytbek Turysbekov óz sózinde, Dúnıejúzi qazaqtarynyń qaýymdastyǵy men Otandastar qory qyzmetteriniń negizgi baǵyttaryn, sondaı-aq sheteldegi dıasporamen jumys isteý jónindegi negizgi jobalaryn atap ótti.

Atalǵan is sharaǵa QR Ózbekstandaǵy ókiletti elshisi Darhan Satybaldy arnaıy kelip, qatysýshylardy Otandastar qorynyń uıymdastyrýymen Ózbekstandaǵy qandastar arasynda alǵash ret ótkizilgen bıznes-forýmnyń ótýimen quttyqtady.

Ózbekstandaǵy qazaq mádenı ortalyǵynyń tóraǵasy Úsenov Serikbaı Nazaruly Ózbekstan Respýblıkasyndaǵy qazaq dıasporasy ókilderiniń ekonomıkalyq múmkindikteri jaıynda sóz qozǵap, isker qandastardyń negizgi kásip salalaryn jáne Qazaqstanmen iskerlik baılanysty nyǵaıtýǵa aldymen saýda-sattyqty kúsheıtý qajet ekenin alǵa tartty.

Sondaı-aq, is-sharaǵa Qazaqstannan arnaıy kelgen ulttyq qolónermen aınalysatyn «Jýsan» kásipkerler birlestiginiń tóraǵasy Toǵabaı Nurmuratuly jáne «El tiregi» qazaqstandyq shaǵyn jáne orta bıznes qaýymdastyǵy tóraǵasy Asqar Ábýbákirov ózderiniń naqty iskerlik jobalarymen tanystyrdy.

Bıznes-forým barysynda Dúnıejúzi qazaqtarynyń qaýymdastyǵy tóraǵasynyń orynbasary Arǵyn Ospanov jáne Otandastar qory Prezıdentiniń keńesshisi Bolat Dıdar sharaǵa qatysýshylarmen ózara is-qımyl tetikterin, shaǵyn jáne orta bıznes salasyndaǵy bıznes-bastamalardy yntalandyrý, sondaı-aq startaptardy qoldaý jáne damytý tetikterin egjeı-tegjeıli talqylady.

Toqyma ónerkásibiniń, aýyl sharýashylyǵynyń, qyzmet kórsetý salasynyń damýyna, tehnologııalyq óndiristerdi qurýǵa negizdelgen Ózbekstan naryǵynyń beıinin eskere otyryp, osy salalarǵa basa nazar aýdaryldy. Forým qatysýshylaryna Qazaqstan oblystarynyń ınvestıtsııalyq áleýeti tanystyryldy.

Forým jumysyna 50-den astam adam qatysty. Qatysýshylarǵa ózderin qyzyqtyratyn startaptar, bıznes-bastamalar, qolda bar jobalar týraly aıtyp, spıkerlerge suraqtar qoıyp, bıznes josparlar men bastamalardy Qazaqstanda, sondaı-aq halyqaralyq naryqta usyný múmkindikterin talqylady.

Forým sońynda Dúnıejúzi qazaqtarynyń qaýymdastyǵy tóraǵasynyń birinshi orynbasary Zaýytbek Turysbekov Ózbekstanda turatyn qandastardy DQQ men Otandastar qorynyń usynystarǵa ashyq jáne turatyn jerine qaramastan barlyq otandastarmen «baılanysta» turǵanyn, ol úshin barlyq ózekti máseleler boıynsha keńes beretin jáne aqparattyq qoldaý kórsetetin otandastar máseleleri jónindegi biryńǵaı baılanys ortalyǵy arnaıy qurylǵanyn atap ótti.

Ózbekstandaǵy bıznes-forým tamyz aıynda San-Frantsısko qalasynda ótken forýmnan keıingi tórtinshi bıznes-forým bolyp tabylady. Túrli elderde turatyn otandastarmen 8 elde (GFR, AQSh, Ulybrıtanııa, Shvetsııa, Qytaı Halyq Respýblıkasy, Ózbekstan, Túrkııa jáne Reseı) bızns-forýmdar ótkizý josparlanǵan, kelesi Bıznes-forým 2019 jyly 20 qyrkúıekte London qalasynda (Ulybrıtanııa) ótedi.