Ózbekáli Jánibektiń kesenesi qalaı jóndelip jatyr
ASTANA. KAZINFORM – Túrkistan oblysynyń Otyrar aýdanyndaǵy Ózbekáli Jánibek kesenesinde «Qazqaıtajańartý» RMK mamandary restavratsııa jumystaryn jalǵastyryp keledi.
Mádenıet jáne aqparat mınıstrligi málimetinshe, qazir keseneniń kúmbezderi qysh kirpishpen qaptalyp jatyr. Kirpish qaptaý jumystary aıaqtalǵannan keıin sý ótpeýi úshin jikteri arnaıy qorǵanysh qospamen toltyrylady.
Keseneniń ishki bóliginde qabyrǵalar men tóbeniń úgitilgen sylaq qabaty tolyqtaı alynyp, qaıta sylandy. Aldaǵy kezeńde keseneniń edeni jańartylyp, esikter men terezeler qalpyna keltirilgennen keıin qaıta ornatylady.
Júrgizilip jatqan jumystar keseneniń tarıhı kelbetin jańǵyrtyp, onyń uzaq ýaqyt saqtalýyna negiz bolady.
Buǵan deıin Qazaqstannyń 18 qalasynda «Ózbekáli» spektakli sahnalanatynyn jazǵan edik.
