Ózbek tarapy Taıaý Shyǵystaǵy soǵysty toqtatý kelisimne qatysty málimdeme jasady
TAShKENT. KAZINFORM – Ózbekstannyń Syrtqy ister mınıstrligi taraptardyń Taıaý Shyǵystaǵy soǵysty tolyq toqtatý jáne bitimge kelý sheshimine qatysty málimdeme jasady, dep habarlaıdy Kazinform agenttiginiń Tashkenttegi menshikti tilshisi.
– Ózbekstan Pákistan basshylyǵynyń araaǵaıyndyǵymen qol jetkizilgen Taıaý Shyǵystaǵy soǵysty tolyq toqtatý jáne bitimge kelý týraly málimdemeni quptaıdy.
Muny shıelenisti sheshý jolyndaǵy mańyzdy qadam retinde baǵalaımyz. Barlyq taraptardy ustamdylyq tanytýǵa, jaǵdaıdy qaıta ýshyqtyratyn áreketterge barmaýǵa jáne tuaqtylyqty qamtamasyz etýge baǵyttalǵan ózara is-qımyldy jalǵastyrýǵa shaqyramyz, - delingen vedomstvonyń málimdemesinde.
Munymen birge, ózbek tarapy BUU Jarǵysynyń qaǵıdattaryn qatań saqtaı otyryp, qaqtyǵystardy tek beıbit jolmen retteý qajettigin taǵy bir márte atap ótti.
Eske salaıyq, búgin Prezıdent Qasym-Jomart Toqaev Taıaý Shyǵystyń bitimge kelý týraly kelisimin quptaǵan edi.
Buǵan deıin Taıaý Shyǵystaǵy shıelenisti dıplomatııalyq jolmen retteýge baǵyttalǵan mańyzdy qadam jasalǵanyn jazdyq. AQSh prezıdenti Donald Tramp Iranǵa soqqylardy ýaqytsha toqtatýǵa daıyn ekenin málimdegennen keıin, resmı Tegeran eki aptalyq bitim sharttaryn qabyldady. Taraptar arasyndaǵy kelissózder juma kúni Islamabadta bastalmaq.
