Ózbek memlekettik organdarynyń saıttaryna alǵash ret hakerler shabýyl jasady
ASTANA. 29 shilde. QazAqparat -28 shilde kúni keshke Ózbekstan syrtqy ister mınıstrligi, syrtqy ekonomıkalyq baılanystar, ınvestıtsııalar jáne saýda mınıstrligi jáne Ózbekstan SІM janyndaǵy «Jahon» AA resmı saıttaryna hakerlik shabýyl jasaldy,
dep habarlaıdy REGNUM AA.
Hakerler bul saıttardyń orys nusqasyndaǵy negizgi betterge buzyp kirgen. Sonymen, aqparatpen birge «By xTerror xTerrorxx@hotmail.com S.A.Geeks» jazýy paıda boldy.
Resmı organdar atalǵan aqparatqa ázirge túsinikteme bergen joq.
Sonymen qatar, 29 shildede tańerteń joǵaryda atalǵan memlekettik qurylymdardyń tehnıkalyq qyzmetteri dereý veb-saıttardyń qyzmetin burynǵy qalpyna keltirdi.
Ózbek memlekettik organdarynyń resmı saıttaryna alǵash ret shabýyl jasalyp otyrǵanyn atap ótý kerek.
