Ózbek-qyrǵyz shekarasynda 120 metrlik jerasty joly tabyldy
ASTANA. QazAqparat - Ózbek-qyrǵyz shekarasynda 120 metrlik jerasty joly tabyldy. Bul jol arqyly sodyrlardy jáne qarýdy tasymaldaý júzege asyrylýy múmkin, dep habarlady Ózbekstannyń UQK memlekettik shekarany kúzetý boıynsha komıtetiniń baspasóz qyzmetinen.
Baspasóz qyzmetiniń aqparatynsha, anyqtalǵan tonnel týraly aqparat «Ózbekstan» (Ózbekstan) jáne «Qyzyl-qııa» (Qyrǵyzstan) ótkizý beketinde shekara vedomstvolary basshylarynyń kezdesýinde aıtyldy, dep jazdy interfax.ru.
"Ózbekstan azamatynyń úıi men Qyrǵyzstan Respýblıkasy azamatshasynyń úıin baılanystyratyn tonnel tereńdigi 6 metrdi, eni 60-70 sm, bıiktigi 1-1,2 metrdi, al uzyndyǵy 120 metrdi quraıdy", - dep habarlady baspasóz qyzmeti.
Shekarashylardyń aqparatynsha, kontrabandashylar ózbek-qyrǵyz shekarasyndaǵy tonneldi baǵaly zattar men adamdardy tasymaldaý úshin paıdalandy. "ózbek-qyrǵyz shekarasyndaǵy kontrabandalyq sharalardyń osyndaı ádisi alǵash ret tirkelip otyr", - dep atap ótti baspasóz qyzmetinde.
