Ózbek golfshysy Qazaqstan chempıonatynyń jeńimpazy atandy
ASTANA. QazAqparat - Almatyda golften Qazaqstannyń HІH chempıonaty aıaqtaldy. Týrnır qorytyndysyna sáıkes, erler arasynda Qanatbek Qýrbanalıev, áıelder arasynda Albına Agaeva chempıon atandy.
Bul týraly Qazaqstan golf federatsııasynyń baspasóz qyzmetinen habarlandy.
«Áýesqoılar arasyndaǵy golften Qazaqstan chempıony ataǵyn 227 nátıjesin kórsetken ózbek golfshysy Qanatbek Qýrbanalıev ıelendi. Birinshiliktiń kúmis júldegeri Zııatbek Seıilbekov odan alty soqqy kóp jasasa (233), úshinshi oryndy enshilegen Nurtaı Saldarov úsh raýndta 239 upaı jınady. Osylaısha, týrnırdiń qorytyndysy boıynsha «Kazakhstan Open-2016» dodasyna Zııatbek Seıilbekov pen Nurtaı Saldarov ta joldama aldy», - delingen habarlamada.
Aıta keteıik, qyrkúıektiń 2-4-i aralyǵynda Almaty qalasyndaǵy «NURTAU» golf klýby alańynda áýesqoılar arasyndaǵy Qazaqstannyń XIX chempıonaty ótken bolatyn.
Absolıýttik esepte (gandıkapty sanamaǵanda) áıelder arasynda Albına Agaeva úlken aıyrmashalyq kórsetkishimen kósh bastasa (234), ekinshi oryndy 263 nátıjesimen ıÝlııa Nıazalıeva, al úshinshi oryndy Laýra Qadyrova 279 nátıjesimen jeńip aldy.
Qalyptasqan dástúr boıynsha chempıonattyń qorytyndysyna sáıkes, Net (gandıkapty qosa esepteý) atalymynyń jeńimpazdary da anyqtaldy. Ol boıynsha áıelder arasynda júldeler bylaı bólindi: 1 oryn - Natalıa Tsaı (232); 2 oryn - Balhash Saǵyndyqova (233): 3 oryn - Inna Hegaı (247). Gandıkapty qosa eseptegende erler arasyndaǵy týrnır jeńimpazdary: 1 orynda - Dmıtrıı Ten (201), 2 orynda - Jantaı Malataev (201) jáne 3-i orynda - Serimjan Dosymov (203).
Jeńimpazdarǵa kýboktar, sondaı-aq syılyqtar men uıymdastyrýshylar tarapynan taǵaıyndaǵan estelik kádesyılar berildi.
Týrnırdi QR golf federatsııasy men «NURTAU» golf klýby uıymdastyrǵan bolatyn. Aıta keterligi, erler arasynda 1 jáne 2 orynǵa ıelengen golfshylar kásipqoılar arasyndaǵy «Kazakhstan Open» - 2016 XII halyqaralyq týrnırine qatysý quqyǵyna ıe bolady.
