Ózbek ǵalymdary qyzanaqtan koronavırýsqa qarsy vaktsına jasady - BAQ
«Qyzanaqty as retinde paıdalanǵanda ol asqazanda ydyrap, antıdene túzedi. Tájirıbe aıasynda bizder Ózbekstanda tabylǵan koronavırýsty alyp, onyń bir bóligin klondap, ósimdik jasýshasyna engizý arqyly tekserip kórdik. Nátıjesinde vaktsına shynymen ósimdik jasýshasynan bólinýde», - deıdi Ortalyq dırektory Zabardast Býrıev.
Onyń aıtýynsha, azyq-túlikpen vaktsına jasaý tájirıbesi Reseı men Kanadada sút pen júgeri sııaqty ónimderde qoldanylýda. Olardyń klınıkalyq synaqtary da aıaqtalýǵa jaqyn.
Ortalyq dırektorynyń málimetine qaraǵanda, qyzanaqta sıntezdelgen koronavırýstyń S-aqýyzy asqazan arqyly ishekke enip, ımmýndyq júıeni oıatady. Osylaısha paıda bolǵan antıdeneler qozdyrǵyshpen kúrese bastaıdy. Mundaı vaktsınalar balalar úshin óte qolaıly.
Qazirgi kezde vaktsına zerthanada pisý protsesinde. Sodan keıin ony tyshqan, qoıan jáne egeýquıryq syndy janýarlarda synaqtan ótkizilip, nátıjeleri taldanady. Jospar boıynsha synaqtardyń bıyl aıaqtalýy kózdelgen.
Mamandardyń aıtýynsha, qazir koronavırýsqa qarsy vaktsına Kanadada temeki men júgeriden, al Reseıde bıokefırden, ıaǵnı sút ónimderinen alynady. Vaktsınalyq ónim asqazan arqyly ishekke ótedi jáne ishekte antıdenelerdiń sińýi nátıjesinde organızmde ımmýndyq júıeniń jumysyna baılanysty koronavırýsqa qarsy ımmýnıtet paıda bolady.
