Ózbek elshisi Elbasy men Qazaqstan halqyna qoldaý kórsetkeni úshin alǵys aıtty
ALMATY. QazAqparat - Qazaqstan Respýblıkasyndaǵy Ózbekstannyń Tótenshe jáne Ókiletti Elshisi Ikrom Nazarov Memleket basshysy Nursultan Nazarbaev pen Qazaqstan halqyna qoldaý kórsetkeni úshin alǵys bildirdi.
«Qazaqstan Respýblıkasynyń Prezıdenti asa mártebeli Nursultan Nazarbaev myrzaǵa elimizdiń osyndaı qaıǵyly kezinde jyly sózderi men qoldaý bildirgen sózderi úshin alǵys aıtýǵa ruqsat etińizder. Sondaı-aq tańerteńnen bastap elshilikke kelip gúl shoqtaryn qoıyp, baýyrlas ózbek halqyna kóńil aıtqan Qazaqstan turǵyndaryna erekshe alǵys bildirýge ruqsat etińizder», - dedi Ikrom Nazarov.
Eske sala ketsek, 2 qyrkúıekte 78 jasynda Ózbekstannyń tuńǵysh Prezıdenti Islam Karımov baqılyq boldy. Qazir sol elde úsh kúndik qaraly kún jarııalanǵan.
