Ózbek ánshisi qazaq halqyn qoldap, «Atameken» ánin oryndap berdi
NUR-SULTAN. QazAqparat – Tanymal ózbek ánshisi Djon Rýmı Instagram paraqshasynda COVID-19 indetine qarsy kúreste qazaq halqyna qoldaý bildirip, «Atameken» ánin oryndap berdi, dep habarlaıdy QazAqparat tilshisi.
«Qurmetti Qazaqstan halqy! Bizdiń bárimiz qazir kúrdeli kezeńdi bastan ótkerip jatyrmyz. Ózderińiz biletindeı, 2018 jyly Qazaqstandaǵy Ózbekstan jyly bolyp, al 2019 jyly Ózbekstandaǵy Qazaqstan jyly retinde atalyp ótken bolatyn. Ókinishke qaraı 2020 jyly bizdiń álem úshin kúrdeli bolyp tur. Óz elimniń qarapaıym azamaty ári Ózbekstan mádenıetiniń ókili retinde Sizderdi moraldyq turǵyda qoldasam deımin», - dep jazdy ánshi Instagramda .
Sóz sońynda ánshi qazaqtyń «Atameken» ánin oryndap berdi.
Sońǵy málimetter boıynsha Qazaqstanda qazirgi tańda koronavırýsty 70 339 adam juqtyrǵan. Onyń 43 029-y emdelip shyqty. Ókinishke qaraı 375 adam kóz jumdy.
