Ózara ekonomıkalyq sanktsııalar, «qyrǵı-qabaq» soǵystyń ózge de eski elementteri qurdymǵa ketýi tıis - QR Prezıdenti
«Jahandyq ekonomıkalyq daǵdarys álemdegi áleýmettik-saıası kúızelisti túrlendire túsýin jalǵastyrýda. Degenmen, daǵdarys jańa damý úshin de jaıly múmkinshilikter beredi. Biz tarıhı múmkinshilikti álemdik ekonomıkalyq damýdyń tıimdi, teńgerimdi modeliniń negizin qalaýǵa paıdalanýǵa tıispiz. Sondyqtan da men birikken eýrazııalyq ekonomıkalyq keńistik qurýdy usyndym», - dedi N.Nazarbaev.
Osy rette Elbasy búgingi kúni Eýrazııa - álemdik saıasattyń basty geosaıası jáne ekonomıkalyq faktory bolyp otyrǵandyǵyn basa aıtty.
«Bul jerde Qytaı, Reseı, AQSh, Eýropa odaǵynan bastap Úndistan Iran jáne Túrkııaǵa deıingi barlyq jahandyq oıynshylardyń múddesi toǵysady. Geosaıası oıyndar, ózara ekonomıkalyq sanktsııalar jáne «qyrǵı-qabaq» soǵystyń ózge de eski zamanǵy elementeri múldem qurdymǵa ketýi tıis. Beıbit, turaqty, gúldengen, ekonomıkalyq qýatty Eýrazııany qurý - jahandyq ósimge qýatty mýltıplıkatıvti tıimdilik berýi tıis jáne bul barlyǵyna da tıimdi bolady», - dedi QR Prezıdenti.