Ózara aıyptaýlardy toqtatý kerek - Qasym-Jomart Toqaev
Memleket basshysy Qasym-Jomart Toqaev Germanııada ótken baspasóz máslıhatynda ózara aıyptaýlardy toqtatyp, iskerlik kelissózder júrgizýge shaqyrdy, dep habarlaıdy QazAqparat.
«Aqylǵa qonymdy, ratsıonaldy, tipti dana dıplomatııa dáýiri ornaýda. Qos tarap úshin de qolaıly beıbit kelissózderdiń negizderin tabý úshin ózara aıyptaýlardy toqtatý kerek jáne iskerlik kelissózder júrgizý qajet», - dedi Qasym-Jomart Toqaev.
Buǵan deıin Germanııaǵa resmı saparmen barǵan Qazaqstan Prezıdenti Federaldyq kantsler Olaf Sholtspen betpe-bet formatynda kelissóz júrgizgenin jazǵan edik.
Federaldyq kantsler Olaf Sholtspen kelissózderden keıin tilshilerge bergen baspasóz máslıhatynda Prezıdent Qazaqstannyń Reseımen ekijaqty tarapta jáne tıisti ıntegratsııalyq birlestikter sheńberinde turaqty dostyq qarym-qatynasta ekenin aıtty.
Memleket basshysy Qasym-Jomart Toqaev Ýkraınadaǵy jaǵdaıǵa qatysty Qazaqstannyń ustanymy jóninde aıtyp berdi.
Sondaı-aq, Qazaqstan men Germanııanyń iri jáne orta bıznesteri arasynda mańyzdy kommertsııalyq kelisimder bekitildi.
