Ózara adaldyq tanytý arqyly ǵana halyqaralyq qoǵamdastyq bizdiń problemalarymyzdy sheshe alady - Prezıdent

ASTANA. QazAqparat – Ózara adaldyq tanytý arqyly ǵana halyqaralyq qoǵamdastyq bizdiń problemalarymyzdy sheshe alady. Bul týraly Astana halyqaralyq forýmynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Geosaıası qysymdar bir-birimizdi alshaqtatyp jatqanda biz birigýge, yqpaldasýǵa, yntymaqtasýǵa, ózara qol ushyn sozýǵa degen anyq ımperatıvpen betpe-bet kelemiz. Bul jerdegi negizgi ıdeıa – osy. Osyndaı sátte Astana halyqaralyq forýmy atalǵan úrdisti keri burý úshin taǵy bir múmkindik beredi. Tek kezdesý, keńesý, sondaı-aq ózara adaldyq tanytý arqyly ǵana halyqaralyq qoǵamdastyq bizdiń problemalarymyzǵa, sharýalarymyz ben úmitimizge qatysty máselelerdi sheshe alady. Sonda ǵana biz ortaq bolashaǵymyzdy qalyptastyra alamyz. Bárimiz úshin meılinshe turaqty, ádil ári órkendegen álem qurý jolyna birtindep oralamyz», - dedi Qasym-Jomart Toqaev.