Óz úıiniń aýlasyna Stalınniń alty metrlik eskertkishin ornatty
ASTANA. QazAqparat - Grýzııanyń batysyndaǵy Lentehı qalasynda «Stalın» halyqaralyq qoǵamynyń tóraǵasy Grıgorıı Onıanı óz úıiniń aýlasyna alty metrlik Iosıf Djýgashvılıdiń eskertkishin ornatty.
Onyń aıtýynsha, Stalın eskertkishi Potı qalasyndaǵy ortalyq alańda turǵan. Alaıda 1961 jyly ony qulatyp, biraq qıratpastan kómip tastaǵan eken.
«Muny 1992 jyly taýyp aldym. Sol ýaqyttan beri Grýzııada bılik ony qoǵamdyq orynǵa ornatýǵa ruqsat bermedi, sondyqtan aýlama ornattym. Bul jerde oǵan eshkim tıispeıdi dep oılaımyn», - dedi ol.
