«Óz úıim» baǵdarlamasyna qujat qabyldana bastady -TQJB
«Qazaqstannyń turǵyn úı qurylys jınaq banki» AQ «Óz úıim» baǵdarlamasyna ótinim qabyldaý arqyly turǵyn úı qurylysy jobalaryn iske asyrýǵa daýys beretinin habarlaıdy, - dep atap ótilgen banktiń resmı saıtynyń habarlamasynda.
Atap aıtqanda, elordada osy baǵdarlama boıynsha myna nysandarǵa ótinim qabyldanady: Astana q. «Komsomolskıı» turǵyn úı alqaby aýdanynda salynǵan úı-jaılar, parkıngi bar kóppáterli turǵyn úı. Mekenjaıy: Astana q. Esil aýdany, Komsomolskıı turǵyn úı alqaby.
Qurylystyń josparly aıaqtalý merzimi: 2018 j. 31.07.
Turǵyn úıdiń 1 sharshy.m. quny: «taza» árleýmen 240 000 teńge.
Jaılylyq synyby: IV
Páter sany: 445
1-bólmeli páter túri: 178 páter, eń joǵarǵy aýdan 46,45 m2
2-bólmeli páter túri: 122páter, eń joǵarǵy aýdan - 66,77 m2
3-bólmeli páter túri: 139 páter, eń joǵarǵy aýdan - 86,1 m2
4-bólmeli páter túri: 6 páter, eń joǵarǵy aýdan - 101,2 m2
Qatysýǵa ótinimder qabyldaý merzimi: 2017 jylǵy «15» naýryzdan 2017 jylǵy «13» sáýirge deıin.
Ball esepteý kúni (kandıdattardy irikteý) (Nysandy kelisken jaǵdaıda): 2017 jylǵy 14 sáýir.
Ótinishti Bank fılıalyna nemese Banktiń www.hcsbk.kz ınternet-resýrsyndaǵy «Internet-bank» bóliminde berýge bolady. Ótinishti bergen kún men ýaqyty ótinish berýshiniń ıelengen balldary men kezektiligine áser etpeıdi.
Ótinish tek bank salymshylarynan ǵana qabyldanady.
Baǵdarlamaǵa qatysýǵa ótinish berýmen Bank salymshylary Nysannyń iske asyrylýyn kelisýge daýys beredi. Nysandy kelisý kezinde salymshylar bergen ótinishter Baǵdarlamaǵa odan ári qatysý úshin qabyldanady. Eger Bankke ótinish qabyldaý aıaqtalǵan kúnge deıin Banktiń ishki qujattaryna sáıkes salymshylardyń nysandy kelisýge jetkilikti ótinish sany berilmegen jaǵdaıda, berilgen ótinishter avtomatty túrde joıylady», dep naqtylady bank.
