Óz ulyn óltirgen qostanaılyq 8 jylǵa sottaldy

46 jastaǵy J.Tileýbaevaǵa qatysty is búgin oblystyq qylmystyq ister jónindegi mamandandyrylǵan aýdanaralyq sotynda qaraldy. Sotta málim etilgendeı, oqıǵa 2017 jyldyń 31 jeltoqsanynda túnde bolǵan. Kúdikti áıel 25 jastaǵy ulymen Jańa jyldy qarsy alyp, ishimdik ishedi. Tańǵy saǵat 08:00 shamasynda uly anasynan spırttik  ishimdik alatyn aqsha talap etken. Óz kezeginde anasy qarsylyq tanytqan. Ashýlanǵan uly anasyn ashana shkafy turǵan jaqqa ıterip jibergen. Munan soń áıel ústelden pyshaq alyp, ulyn qorqytqan. Sondaı-aq, oń jaq qolyna pyshaq suǵyp alǵan. Sodan keıin keýde tusyna pyshaqpen soqqy jumsady. Saldarynan uly oqıǵa ornynda qaza boldy. 

"J.Tileýbaeva QR QK 199-baby  boıynsha aıypty dep tanyldy. Oǵan 8 jyl bas bostandyǵynan aıyrý jazasy taǵaıyndaldy. Jazasyn qaýipsizdigi orta túzetý mekemesinde óteıdi",- delingen sottyń úkiminde.

Aıta ketý kerek, sottalýshy  2015 jyly onkologııalyq  aýrý boıynsha ota jasatqan.