«Óz ýchaskeńdi tap!»: Astanada aýqymdy chellendj bastaldy
ASTANA. KAZINFORM — Astanada turǵyndarǵa saılaý ýchaskesiniń mekenjaıyn aldyn ala bilýge kómektesetin «Óz ýchaskeńdi tap!» atty aýqymdy chellendj bastaldy, dep habarlaıdy qala ákimdiginiń resmı saıty.
Aktsııa #ÓzÝchaskeńdiTap biryńǵaı heshtegimen ótedi. Chellendjge elorda turǵyndary, onyń ishinde qala jastary da belsendi túrde qatysyp jatyr.
Qatysýshylar Instagram men TikTok áleýmettik jelilerinde beınerolıkter jarııalap, saılaý ýchaskesin tabýdyń yńǵaıly joldary týraly aıtady.
Aıta keteıik, 2026 jylǵy 23 tamyzda Quryltaı depýtattarynyń saılaýy ótedi.
Astana turǵyndary ózderiniń saılaý ýchaskesiniń mekenjaıyn birneshe tásil arqyly bile alady:
• sailau.astana.kz saıty arqyly;
• @sailau_astana_bot Telegram-boty arqyly;
• iKomek biryńǵaı baılanys ortalyǵynyń 109 nómirine qońyraý shalý arqyly.
Saılaýshylar tizimge tirkelgen mekenjaıy boıynsha engiziledi.
Aıta keteıik, chellendjge kez kelgen adam qatysa alady. Ol úshin óz saılaý ýchaskeńizdi taýyp, qysqa beınerolık túsirip, ony #ÓzÝchaskeńdiTap heshtegimen áleýmettik jelige jarııalaý qajet.
Buǵan deıin saılaý kúni basqa qalada bolsańyz, qalaı daýys berýge bolatynyn anyqtap kórdik.
