Óz tarıhyn, mádenıetin bilý árbir qazaqtyń boryshy - S. Bashırov
Y. Jeltoqsannyń 10-y. QazAqparat /Ádilet Musahaev/ - Táýelsizdik kúnine oraı Almaty qalasy tarıhynyń murajaıynda tanymal sýretshiler men fotosýretshilerdiń jumystary jáne qoldanbaly qolóner sheberleriniń kórmesi ótti,
dep habarlaıdy QazAqparat.
Alǵash ret kórme ekspozıtsııasynda memleketimizdiń táýelsizdigimen qatar qalyptasqan, elimizdiń býyrqanǵan oqıǵalarǵa toly ómiri jaıly shyǵarmashyl jastardyń jańa jumystary kórsetilip, jurtshylyq sheberlerdiń tyń shyǵarmalarymen tanysty.
«Kórmeniń negizgi maqsaty - búgingi kúngi táýelsiz Qazaqstan sheberleriniń shyǵarmashylyq ónerin halyqqa kórsetip, 
jastarǵa ulttyq qundylyqtardy nasıhattaý», deıdi atalmysh murajaıdyń bólim meńgerýshisi Názıra Qudaıbergenqyzy.
«Qazaq eli táýelsizdik alǵannan keıin salynǵan Táýelsizdik monýmentiniń joǵary jaǵyndaǵy barystyń músinin men salǵan edim. Ol monýmentti bolashaq urpaqqa arnap salǵan edik, óıtkeni táýelsizdikti nyǵaıtyp, elimizdi kórkeıtý jastardyń qolynda ǵoı. Búgingi kórmege saq obrazyndaǵy músindi alyp kep otyrmyn. Osyndaı músinderdi qala ishindegi bos jerlerge kóptep ornatsaq jaqsy bolar edi», deıdi músinshi, Sýretshiler odaǵynyń múshesi Ádilet Jumabaı.
«Bul murajaıda Almaty qalasynyń myńdaǵan jyl burynǵy qundy derekteri, buıymdary jınaqtalǵan. Al búgingi ótip jatqan kórme jastardy tárbıeleýge, olarǵa óz sheberlerimizdiń buıymdaryn, shyǵarmalaryn tanystyryp, elimizdiń mádenıetine degen súıispenshiligin arttyra túsedi dep oılaımyn. Sońǵy kezde ulttyq ıdeologııa jaıynda kóp aıtyp júrmiz, sonyń barlyǵy osy murajaıdan bastalady. Óz tarıhyn, mádenıetin bilý - árbir qazaqtyń boryshy. Osyndaı tárbıelik máni bar sharalar kóptep ótkizilse, nur ústine nur bolar edi», deıdi zerger-sýretshi, Sýretshiler odaǵynyń múshesi, ıÝNESKO sapalyq belgisiniń ıegeri Serjan Bashırov.
