Óz shákirtterimmen maqtanamyn – Qazaqstan jasóspirimder quramasynyń kapıtany ıAroslava Shvedova
ıA.Shvedova quramanyń mundaı tarıhı nátıjege qol jetkizgenine baqytty ekendigin aıtty.
«Bul – komandalyq jumystyń jemisi. Qyzdarymyzdyń jeke bapkerleri Muqam Ermatovqa (Arıana Gogýlınanyń jattyqtyrýshysy), Nıkolaı Sleptsovqa (Polına Sleptsova) jáne Vadım Shýsterge (Anastasııa Krymkova), Bolat Ótemuratov bastaǵan Qazaqstan tennıs federatsııasyna, jalpy dene daıyndyǵy jónindegi aǵa jattyqtyrýshy Dmıtrıı Kostetskııge rızashylyǵymdy bildiremin. Osylaı uıymdasa kúsh biriktirýdiń arqasynda tarıhı nátıjege qol jetti. Aldaǵy aptada Shymkentte bozbalalarymyz oınaıdy, olarǵa da jeńis tileımin», dedi ıA.Shvedova.
ıAroslava Shvedova Bıllı Djın Kıng kýbogi tarıhynda bir maýsymda Qazaqstannyń áıelder jáne jasóspirimder quramasyn álem chempıonatyna shyǵarǵan birinshi kapıtan atandy.
«Bul shynynda solaı, qýanyshtymyn. Osy irikteý saıysynda qyzdarymyzǵa ońaı bolǵan joq, men tek olardy qoldap, aqyl-keńesimdi aıtyp otyrdym. Budan da bıik tabystarǵa qol jetkizemiz dep oılaımyn. Áıelder quramasynyń músheleri eresek qoı, ózderi de kóp nárseni biledi. Al jasóspirim qyzdardy únemi qoldap, baǵyttap otyrýǵa týra keledi. Ár match qıyn tıdi. Polına, Arıana, Anastasııa – bári de aıanbaı jeńis úshin ter tókti. Men olarmen maqtanamyn. Álem birinshiligi kúzde ótedi. Ol da taǵy bir úlken syn bolmaq. Bir ǵana aıtarym, joǵary oryndar úshin barymyzdy salatynymyz anyq», dedi ıA.Shvedova.
Eske sala keteıik, budan buryn tennısten álem chempıonatynda Qazaqstan jasóspirimderiniń tarıhı nátıjege qol jetkizgenin jazǵan bolatynbyz.
