Óz-ózine qol jumsaǵan jasóspirimderdiń telefonynan sýıtsıdke ıtermeleıtin oıyndar tabylǵan joq – ІІM

ASTANA. KAZINFORM – Almatyda óz-ózine qol jumsaǵan jasóspirimderdiń telefondarynan sýıtsıdke ıtermeleıtin oıyndar tabylǵan joq. Bul týraly Іshki ister mınıstrliginen málim etti.

«Almatyda sýıtsıd jasaǵan eki jasóspirimge qatysty olardyń telefondaryna tekserý júrgizilgenin habarlaımyz. Sýıtsıdke ıtermeleıtin oıyndarǵa qatysý faktisi anyqtalǵan joq. Qazirgi ýaqytta óshirilgen jazbalar men qosymshalardy qalpyna keltirý úshin telefondarǵa qosymsha zertteý júrgizilip jatyr», - dep atap ótti vedomstvonyń baspasóz qyzmetinen.

Sonymen qatar mınıstrlik el azamattarynyń sýıtsıdke baǵyttalǵan ınternet oıyndarǵa qatysýy da anyqtalmaǵandyǵyn alǵa tartady.

Buǵan deıin Almatyda eki jasóspirim qyz kópqabatty úıden qulap, oqıǵa ornynda qaıtys bolǵanyn jazǵan edik.