Óz ómiriniń sapasyna kóńili tolatyn qazaqstandyqtar qansha

NUR-SULTAN. QazAqparat – QR Ulttyq ekonomıka mınıstrligi Statıstıka komıtetiniń deregine sáıkes, saýalnamaǵa jaýap berýshilerdiń 60% ómirlerine kóńilderi tolady, dep habarlaıdy kursiv.kz saıty.

Aýyldyq jerlerde ómirlerine rıza azamattary sany - 69,3%. Qalalarda turǵyndardyń 54,4% turmysyna kóńilderi tolady. Erler (61,8%) áıelderge (58,5%) qaraǵanda ómirlerine kóbirek qanaǵattanady. Ótken jylǵy kórsetkishpen salystyrǵanda saýalnamaǵa qatysýshylardyń arasynda turmysyna qanaǵattanatyndar sany aıtarlyqtaı ósken (2018 jyly - 56,6%).

Tekserý nátıjesi boıynsha respondentterdiń 48,5% densaýlyqtaryna razy, 46,5% jartylaı ǵana kóńilderi tolady. Pikir suralýshylardyń jasy neǵurlym ulǵaıǵan saıyn soǵurlym densaýlyqtaryna kóńilderi tolmaıdy. Zeınet jasyndaǵy respondentter arasynda osyndaılar sany 15-17 jastaǵy turǵyndarǵa qaraǵanda 2,8 ese az.