Óz mindettemelerin ótemegen birde-bir «Bolashaq» baǵdarlamasynyń stıpendıaty joq - Ǵ.Nyǵymetov
ASTANA. QazAqparat - Sońǵy 3-4 jylda «Bolashaq» baǵdarlamasynyń 10-15 túlegi elge kelmeı qalǵan.
Bul týraly búgin Ortalyq kommýnıkatsııalar qyzmetinde ótken brıfıngte «Halyqaralyq baǵdarlamalar ortalyǵy» AQ basshysy Ǵanı Nyǵymetov málim etti.
«Stıpendıattardyń mindeti: shetelde jaqsy oqý jáne Qazaqstanǵa oralý. Kepildikke jyljymaıtyn múligi qoıylady. Elge oralýdan bas tartqan nemese basqa josparlary bolǵan stıpendıattar baǵdarlama aıasynda bólingen qarajattardy tolyqtaı qaıtaryp, onyń ústine 10 paıyzdyq aıyppuldy ótep berýi tıis. Óz mindettemelerinen ketip qalǵan birde-bir stıpendıat joq», - dep atap ótti ol.
Aıta keteıik, 22 jyldyń ishinde «Bolashaq» baǵdarlamasymen 11 myńnan astam túlek shetelde bilim alyp keldi.
