Óz qyzyn óltirgen qostanaılyq sotta jaýap beredi
QOSTANAI. QazAqparat - Qostanaı qalasynda óltirilgen 9 synyp oqýshysynyń ákesi sot aldynda jaýap beredi, dep habarlaıdy QazAqparat oblystyq sottyń baspasóz qyzmetine silteme jasap.
Vedomstvoda málim etilgendeı, kúdikti S. Klepıkov 2016 jyly túrmeden ýaqytynan buryn bosap shyǵyp, kámeletke tolmaǵan qyzymen birge Qostanaı qalasyndaǵy týǵan ápkesiniń úıin panalaıdy.
«2018 jyldyń naýryz aıynda S. Klepıkov pen qyzynyń arasynda janjal týyndaǵan. Ol qyzyna tyńdamaǵany úshin keýde tusynan pyshaqpen birneshe soqqy jumsaıdy. Kúdiktiniń sol ýaqytta mas bolǵany anyqtaldy. Jábirlenýshi dene jaraqaty saldarynan oqıǵa ornynda kóz jumdy», - delingen oblystyq sottyń baspasóz habarlamasynda.
Endi S.Klepıkov QR QK 99-baby, 2-tarmaǵy boıynsha sot aldynda jaýap beredi
Eske salsaq, 17 naýryzda Qostanaıda №11orta mekteptiń 9 synyp oqýshysyn óltirip ketken bolatyn.
Sol kúni oqýshynyń ákesi dene jaraqatymen oblystyq aýrýhanaǵa tústi. Ol tártip saqshylardyń baqylaýyna alyndy. 20 naýryz kúni kúdikti anyqtalǵany málim etildi.
