Óz qyzyn óltirgen qostanaılyq sotta jaýap berdi
QOSTANAI. QazAqparat - Qostanaı qalasynda óltirilgen 9 synyp oqýshysynyń ákesi sot aldynda jaýap berdi, dep habarlaıdy QazAqparat.
Іs materıaldaryna súıensek, kúdikti Sergeı Klepıkov 2016 jyly túrmeden ýaqytynan buryn bosap shyǵyp, kámeletke tolmaǵan qyzymen birge Qostanaı qalasyndaǵy týǵan ápkesiniń úıin panalaıdy. 2018 jyldyń naýryz aıynda S. Klepıkov pen qyzynyń arasynda janjal týyndaǵan. Ol qyzyna tyńdamaǵany úshin keýde tusynan pyshaqpen birneshe soqqy jumsaıdy. Kúdiktiniń sol ýaqytta mas bolǵany anyqtaldy. Jábirlenýshi dene jaraqaty saldarynan oqıǵa ornynda kóz jumdy.
Kúdikti retinde tanylǵan S.Klepıkov búgin QR QK 99-baby, 2-tarmaǵy boıynsha sot aldynda jaýap berdi.
«Men óz kinámdi tolyǵymen moıyndaımyn. Qyzymmen jaqsy qarym-qatynasta boldym. Óz qylyǵym úshin ókinemin», - dedi aıyptalýshy sot zalynda bergen jaýabynda.
Eske salsaq, 17 naýryzda Qostanaıda №11orta mekteptiń 9 synyp oqýshysyn óltirip ketken bolatyn. Sol kúni oqýshynyń ákesi dene jaraqatymen oblystyq aýrýhanaǵa tústi. Ol tártip saqshylardyń baqylaýyna alyndy. 20 naýryz kúni kúdiktiniń anyqtalǵany málim etildi.
