Óz qyzyn óltirgen qostanaılyq ómir boıyna bas bostandyǵynan aıyryldy
QOSTANAI. QazAqparat - Qostanaı oblysy Qylmystyq ister jónindegi mamandandyrylǵan aýdanaralyq sot qyzyn óltirdi dep aıyptalǵan Sergeı Klepıkovqa qatysty úkim shyǵardy, dep habarlaıdy QazAqparat.
Sot 15 jasar qyzynyń ólimine kúdikti Sergeı Klepıkov áreketin qaıtalaýy múmkin dep tanydy.
«Sot Klepıkov Sergeıdi QR QK 99-babynyń 2-bóligi boıynsha aıypty dep tanyp, ómir boıy bas bostandyǵynan aıyrý jazasyn kesti. Qylmysker jazasyn qaýipsizdigi barynsha joǵary mekemede óteıdi» dep, sýdıa úkim shyǵardy.
Eske sala keteıik, 18 naýryzda Qostanaıdaǵy №11 orta mekteptiń 15 jasar oqýshysynyń ólimi týraly habar taraǵan. Keıin oqýshy qyzdyń ólimine ákesi kináli dep tanylyp, ony polıtsııa qyzmetkerleri ustady. Jaqynda oqıǵany ózdiginshe baıandaǵan kýágerler men is boıynsha zardap shegýshiden jaýap alyndy.
Qaza bolǵan qyzdyń ákesi kinásin moıyndaǵanmen, óltirý sebebin túsindire almady.
