Óz qyzmetin talapqa saı atqara almaıtyn oblystyq sottardyń sýdıalaryn anyqtap, tıisti shara qoldaný kerek
ASTANA. 19 sáýir. QazAqparat - «Óz qyzmetin talapqa saı atqara almaıtyn oblystyq sottardyń sýdıalaryn anyqtap, tıisti shara qoldaný kerek»,- dedi búgin Joǵarǵy sot tóraǵasy Bektas Beknazarov.
Bul týraly ol búgin bıylǵy jyldyń birinshi toqsanynyń qorytyndysyna baılanysty jergilikti jáne ózge de sot ókilderimen bolǵan selektorlyq májiliste aıtty.
Ol keltirgen derekterge qaraǵanda, bıylǵy jyldyń birinshi toqsanynda oblystyq sottardyń, appelıatsııalyq jolmen qaralǵan
24 isi negizsiz dep tabyldy. Bul sýdıalardyń jumysyndaǵy úlken kemshilik. «Azamattyq ister boıynsha, 124 sot aktisiniń kúshi joıylyp, kassatsııalyq jolmen qaralǵan isterdiń 132 aktisi jaramsyz bolyp shyqty. Sondyqtan bul jaǵdaıdy muqııat zerttep, óz isinde kemshilik jibergen sýdıalardy anyqtap, olardyń óz qyzmetine qanshalyqty saı ekendikterin bilý kerek»,-dedi B.Beknazarov.
