Óz halqyń moıyndaý úshin basqa eldi baǵyndyrý kerek degen nonsensti túsine almadym- ánshi Ádemi
ASTANA. QazAqparat -«Jańa tolqyn - 2015» («Novaıa volna») baıqaýynyń júldegeri, jarysta «Kórermen kózaıymy» nomınatsııasyn jeńip alǵan ánshi Ádemi jýyrda Rınat Gaısın jazǵan «Qustar» ániniń beınebaıany jaryq kóredi deıdi.
«Jańa tolqy» baıqaýyna deıin ras Qazaqstan estradasy, Qazaqstan halqy meni kóp qabyldaı qoımaıdy. Osylaısha, meniń ishimde «osy men durys jol tańdadym ba?» degen kúdikti saýal týyndaı bastady. Sondyqtan, án aıta alatynymdy, ánshilik joldy durys tańdaǵanymdy aldymen ózime dáleldeý kerek ekenin túsindim. Ekinshiden, meniń oıymsha, qazir bizde mynandaı bir túsiniksiz qubylys beleń alyp júr: seni óz halqyń jaqsy kórý úshin basqa bir eldi, basqa bir halyqty baǵyndyryp kelýiń kerek eken. Bul qandaı nonsens ekenin áli túsine almadym...Biraq, mysaly, «Jańa tolqyn» baıqaýynda, Reseı sahnasynda Qazaqstanda júrgennen artyq án shyrqadym dep aıta almaımyn...Árıne, halqym meni tamsana tyńdap, ánshi qyzyn qabyldaıdy degen úmitim bar. Maǵan shet elderden usynys túsip jatqanyn jasyrmaımyn, biraq, Jańa jylǵa deıin eshqandaı sheshim qabyldamaıtynymdy aıttym. "Halqymnyń aldynda ánimdi aıtyp, paryzymdy óteýim kerek" dedim. Biraq, ókinishke oraı, budan burynǵydaı Qazaqstanda damı almasam, shet elge ketýim de múmkin... Biraq, men Qazaqstandy óte jaqsy kóremin»,-deıdi ánshi QazAqparat tilshisimen bolǵan áńgilemesinde. Ádemi sondaı-aq ádemilik týraly oıyn aıtyp berdi. «Ádemi emes adam bolmaıdy. Jan sulýlyǵy bar da tán sulýlyǵy bar. Adam ózin qorshaǵan ortaǵa ózin qalaı baıqatsa, solaı kórine beredi. Ádemi kóılek kıip, boıanyp, halyq aldyna shyǵý - seniń sheksiz sulý ekenińdi dáleldemeıdi...Eń bastysy, seniń hayq adyndaǵy qylyǵyń, seniń sóz saptaýyń, seniń suraq qoıyp, surpaqqa durys jaýap berýiń mańyzdy»,-degen ánshi synǵa qalaı qaraıtynyn da aıtyp berdi «Eger siz, jýrnalıst meni «án aıta almaısyń» dep synasańyz, keshirińiz, sizdiń meni bulaı synaýyńyzǵa qaqyńyz joq. Sebebi, siz ánshisi emessiz. Men, mýzykalyq bilimi bar ánshi bolǵandyqtan, maǵan mýzykant kelip, menen kórgen bilgeni kóp adam kelip synasa, men ózime sabaq alýǵa tyrysamyn»,-deıdi Ádemi. Onyń aıtýynsha, jýyrda Rınat Gaısın jazǵan «Qustar» ánine beınebaıan daıyn bolady. Ánshi óziniń otyz jasqa tolýyna oraı 2016 jyldyń maýsym aıynda birinshi albomyn da shyǵarmaq eken.
