Óz elimniń astanasynda chempıon bolý buıyrsyn – Danııar Eleýsinov
Halyqaralyq boks keshindegi ekinshi basty kezdesýde asa aýyr salmaq ókili, qos olımpıada qolasynyń ıegeri Ivan Dychko (10-0, 10 KO), tájirıbeli reseılik boksshy Aleksandr Ýstınovpen (36-5-1, 27 KO) qolǵap túıistiredi.
Al tanymal boksshy Janqosh Turarov (24-0, 17 KO) mysyrlyq Abdýmonem Saıdpen (22-1-1, 11 KO) jekpe-jek ótkizbek. Odan bólek, boks keshinde elimizge tanymal Dáýren Eleýsinov, Dáýlet Dáýkenov, Aıdar Sháribaev jáne Angelına Lýkas sekildi boksshylar kúsh synasady.
Sonymen qatar el kásipqoı boksynyń tarıhynda araǵa 20 jyl salyp alǵash ret 55,3 keli salmaq dárejesi boıynsha, Erjan Zalılov pen Eskendir Harsan, Qazaqstan chempıony ataǵyna KFPB tıtýly úshin talasqa túsedi. Boks keshi aıasynda jankúıerler 13 qazaqstandyq boksshynyń ónerin tamashalaı alady.
«Qazaqstannyń Táýelsizdigi qutty bolsyn! Osyndaı mańyzdy kún úshin, qonaqjaılylyqtaryńyz úshin óte qýanyshtymyn! Jańa tıtýl úshin jekpe-jekke osylaı jaǵdaı uıymdastyrǵandaryńyz úshin kóp rahmet!», - dedi argentınalyq Hýan Ernan Leal elordada ótken baspasóz máslıhatynda.
Óz kezeginde Danııar Eleýsinov barsha qazaqstandyqtardy Táýelsizdigimizdiń 30 jyldyq mereıtoıymen quttyqtady.
«Otyz jyldyq qarsańynda keremet shoý ótkeli jatyr, barsha uıymdastyrýshylarǵa alǵys bildirgim keledi. Bári joǵary deńgeıde ótedi degen senimdemin. Boksshylarymyzǵa tek sáttilik tileımin. Jankúıerlerge de qyzyqty bolady dep oılaımyn. Tıtýldyq kezdesýdiń óz elimde ótip jatqany men úshin úlken mártebe. 2013 jyly Almaty qalasynda Álem chempıony atanǵan edim, endi astanada da chempıon bolýdy buıyrsyn», - dedi D. Eeleýsinov.
Aıta keteıik, 17 jeltoqsan kúni saǵat 13:30-da boks keshiniń juldyzdary resmı salmaq ólsheý rásimin ótkizedi. Sport jankúıerleri 18 jeltoqsanda Danııar Elýesinovtiń chempıondyq jekpe-jegin «Habar» telearnasynyń tikeleı efırinen tamashalaı alady.
Foto: instagram @yelleusinovdaniyar
