Óz betinshe jumyspen qamtylǵandardyń basym bóligi aýyl sharýashylyǵynda
«Qazaqstanda 2001 jyldan beri kóptegen memleketterde qoldanylatyn Halyqaralyq eńbek uıymynyń ádistemesine sáıkes, jumyspen qamtýdy iriktep zertteý júrgiziledi. Aǵymdaǵy jyldyń 3 toqsanyndaǵy iriktep zertteýdiń qorytyndysy negizinde Qazaqstanda ekonomıkasynda 8,7 mln. adam jumyspen qamtylǵan, sonyn ishinde 6,1 mln. adam - jaldamaly jumyspen qamtylǵan, 2,6 mln. adam - jaldanýsyz jumyspen, ıaǵnı óz betinshe jumyspen qamtylǵan», - delingen QR Ulttyq ekonomıka mınıstrligi Statıstıka komıtetiniń málimetinde.
Óz betinshe jumyspen qamtylǵan halyq sanynan 164,1 myń adam - jumys berýshiler, 11,3 myń adam - kooperatıv músheleri, 24,3 myń adam - otbasylyq kásiporyndarda kómekshi qyzmetkerler retinde eńbek etýde.
Óz betinshe jumys isteıtin qyzmetkerler 2405,6 myń adamdy qurap otyr: jeke kásipkerlikte jumyspen qamtylǵan 1501 myń adamnyń (tirkelgender - 1270,4 myń adam jáne tirkelmegender 230,6 myń adam) jáne jeke aýlada ónim óndirýde (óz tutynýy úshin, sonymen qatar satý úshin) jumyspen qamtylǵan - 904,6 myń adamnan quralǵan.
Qazaqstan Respýblıkasynda óz betinshe jumyspen qamtylǵandardyń kóp bóligi aýyl sharýashylyǵynda - 50,6%, bólshek saýda salasynda - 23,7%, qurylysta - 7,7%, kólikte - 7,4%, basqa qyzmetter kórsetý boıynsha - 5,0% shoǵyrlanǵan.
35-54 jas aralyǵyndaǵy tulǵalar óz betinshe jumyspen qamtylǵan halyqtyń jalpy sanynan 43,6% quraıdy, 15-28 jas aralyǵyndaǵy jastar - 27,4% qamtyp otyr.
Óz betinshe jumyspen qamtylǵandardyń 18,6% joǵary bilimderi bar, orta kásiptik - 29,4%, negizgi, jalpy, orta - 52 paıyzynda tirkeldi.