Óz balasyn uryp-soqqan elordalyqqa aıyppul salyndy

ASTANA. QazAqparat – Astana qalalyq kámeletke tolmaǵandardyń isteri jónindegi mamandandyrylǵan aýdanaralyq sotynyń sheshimimen óziniń balasyn uryp-soqqan áıel ákimshilik jaýapqa tartty, dep habarlaıdy QazAqparat tilshisi.

Quzyrly organnyń málimetinshe, quqyq buzýshylyq jasaǵan áıel eki – búldirshinniń anasy. Sotta onyń balany tárıbeleý, bilim berý jáne olardyń quqyǵyn qorǵaý sııaqty ata-ana mindetin oryndamaǵany anyqtaldy.

«2022 jyldyń qyrkúıeginde K. azamattyq nekedegi kúıeýimen aradaǵy kıkiljiń barysynda óziniń qyzyn uryp-soǵyp, densaýlyǵyna jeńil dárejede zııan keltirgen. Sotta K. óziniń quqyq buzýshylyq jasaǵanyn moıyndady...

Onyń kinási kórshileriniń kýálik etýimen, polıtsııa qyzmetkeriniń málimetteri jáne sot-medıtsınalyq saraptamanyń qorytyndysymen rastaldy», - delingen sottyń resmı saıtynda jarııalanǵan habarlamada.

Belgili bolǵandaı, jaza taǵaıyndaý kezinde jaýapkershilikti jeńildetetin mán-jaılar eskerilgen. Atap aıtqanda, kináni tolyq moıyndaý, jasaǵan isine ókiný jáne aýyr zardaptardyń bolmaýyn eskere kele, sot sheshimimen áıelge 21 441 teńge kóleminde ákimshilik aıyppul salyndy.