Óz áıelin pyshaqtap óltirgen mańǵystaýlyq 10 jylǵa sottaldy
ASTANA. QazAqparat - Mańǵystaý oblysynyń qylmystyq ister jónindegi mamandandyrylǵan aýdanaralyq sotynda Qazaqstan Respýblıkasy Qylmystyq Kodeksiniń 99-babynyń 1-bóligimen aıyptalǵan E-ge qatysty qylmystyq isi qaraldy. Bul týraly Mańǵystaý oblysynyń qylmystyq ister jónindegi mamandandyrylǵan aýdanaralyq sotynyń baspasóz qyzmetinen habarlady.
Sotta anyqtalǵandaı, E. óziniń áıeli N-nyń Aqtaý qalasy, 22 shaǵyn aýdanynda ornalasqan «Edem» kafesine jumys ornyna keledi. Ekeýiniń aralarynda kelispeýshilikter týyndap, E. ózimen alyp kelgen pyshaǵyn qaltasynan shyǵaryp, jábirlenýshiniń denesiniń ár jerinen birneshe ret soqqy berip, ishki aǵzalaryna zaqym keltirip, dene jaraqattaryn salǵan. Jábirlenýshi alǵan aýyr dene jaraqatynan qansyrap, óz-ózine kele almaı, oqıǵa bolǵan jerde qaza tapqan.
Sot joǵaryda kórsetilgen bap boıynsha E-ni kináli dep tanyp, oǵan 10 jyl merzimge bas bostandyǵynan aıyrý jazasyn taǵaıyndaǵan.
Úkim zańdy kúshine endi.
