Óz aıaǵymen júrip júr – mınıstr Rýslan Berdenovtiń jaǵdaıyn aıtty

ASTANA. KAZINFORM – Densaýlyq saqtaý mınıstri Aqmaral Álnazarova Úkimet otyrysynan keıin ótken baspasóz máslıhatynda ákimdik aldynda oq tıip jaralanǵan Shymkent ákiminiń orynbasary Rýslan Berdenovtiń jaǵdaıy týraly málimet berdi.

- Jaǵdaıy turaqty aýyr deýge bolady. Túsken boıda eki brıgadanyń hırýrgteri 4 saǵat boıy shuǵyl kómek kórsetken edi. Naýqasqa ota jasalyp, jaǵdaıy turaqtandy. Búgin jaǵdaıy turaqty. Óz aıaǵymen júrip júr. Biraq dárigerlerdiń baqylaýynda, - dedi mınıstr.

Eske salsaq, 21 sáýirde Shymkent ákiminiń orynbasary Rýslan Berdenovke qastandyq jasalǵany málim bolǵan. 

Ol jaraqat alyp, aýrýhanaǵa tústi.

Al 25 sáýirde sheneýnikke oq atqan kúdiktiniń ákesi málimdeme jasady. 

Eske sala keteıik, buǵan deıin Rýslan Berdenovtiń aqpan aıynyń sońynda Shymkent qalasy ákiminiń orynbasary qyzmetine taǵaıyndalǵanyn jazǵan bolatynbyz.