Óz anasynyń úıin kazınoǵa aınaldyrǵan óskemendik turǵyn sot aldynda jaýap berdi
ASTANA. QazAqparat - Óskemen qalasynyń №2 sotynda óz anasynyń úıin zańsyz oıyn ordasyna aınaldyrǵan 33 jastaǵy azamattyń isi qaraldy, dep habarlaıdy «QazAqparat» HAA tilshisi.
Sotta aıypty kinásin birden moıyndaǵan. Tergeý organy kúdiktiniń jasyl tústi matamen oıyn ústelin, oıyn taımeri men ár túrli nomınaldaǵy fıshkalardy satyp alǵanyn anyqtaǵan. Jasyryn kazıno shamamen bir jyl boıy jumys atqaryp, onyń uıymdastyrýshysy kóp-kórim paıdaǵa kenelip otyrǵan. Ulynyń quıtyrqy áreketin anasy sezbegen de kórinedi.
Kazınoǵa memlekettik kiris departamentiniń qyzmetkeri «oıynshy» retinde qatysyp, aqyry kúdikti ustalady. Bultartpas dálelder kúdiktini tyrp etkizbeı, ol protsessýaldyq kelisimge kelgen. Sot úkimimen kúdikti qylmysy úshin kináli dep tanylyp, oǵan 1 mln 345 myń teńge kóleminde aıyppul (500 AEK) salyndy. Zańsyz kazınonyń múlikteri tolyǵymen joıyldy.
