Óz anasyn býyndyryp óltirdi
ASTANA. 17 qazan. QazAqparat - Astana qalasynyń ІІD jedel basqarý ortalyǵyna elordadaǵy páterlerdiń birinen jedel járdem kórsetý qyzmetiniń dárigerleri egde jastaǵy áıeldiń máıitin tapqany jaıly habar túsken.
Ol tunshyqtyrýdyń saldarynan kóz jumǵan.
Jaǵa ustatar fakti jaıly elordalyq ishki ister departamentiniń baspasóz qyzmetinen habarlady.
Oqıǵa ornyna shuǵyl jetken jedel-tergeý toby bul meken-jaı boıynsha 1939 jyly týǵan áıel adam men 24 jastaǵy onyń uly turǵanyn anyqtady. Kórshilerdiń bergen jaýabyna qaraǵanda, uly men anasynyń arasynda janjal jıi bolyp tursa kerek. Ajyrasqan uly anasymen birge turyp, qaladaǵy kásiporyndardyń birinde qara jumysty atqaryp kelgen. Spırttik ishimdikke qatty áýes bolmaǵan.
«Tergeý barysynda er adam jumystan keshke úıine kelgennen keıin anasy ekeýiniń arasynda kezekti keristiń bastalǵanyn aıtty. Janjal kezinde jas jigit anasynyń jatyn bólmesine kirip, ony elektr qurylǵysynyń symymen býyndyrǵan. Ashý ústinde qylmys jasaǵanyn kesh sezgen ol jedel járdem brıgadasyn shaqyrǵan», - dep habarlady ІІD baspasóz qyzmetinen.
Polıtsııa bólimshesinde jas jigit óz kinásin moıyndady.
Atalǵan fakti boıynsha QR QK 96-babymen qylmystyq is qozǵaldy.
Ustalǵan adam tergeý oqshaýlaǵyshyna qamaldy, tergeý júrgizilip jatyr
