Oıynshyq tapanshamen lombard tonaǵan qostanaılyq ustaldy
Oblystyq PD málimetinshe, qaladaǵy dúkenderdiń biriniń satýshysy polıtsııaǵa habarlasyp, belgisiz adamnyń tapanshaǵa uqsas zatpen qorqytyp, saýdadan túsken aqshany berýin talap etkendigin aıtqan.
«Satýshy sol ýaqytta dúkenge satyp alýshylar kirip, belgisiz adamnyń tez arada shyǵyp ketkendigin aıtty. Birneshe mınýttan keıin kórshiles dúkenniń de satýshysy dál osyndaı faktiniń oryn alǵanyn habarlady. Oqıǵa ornyna jedel-tergeý toby attanyp, qaladaǵy barlyq dúkenge eskertý jasaldy jáne kúdiktiniń belgileri habarlandy. Barlyq patýrl dúkenderge qaraı jiberildi. Birneshe mınýttan keıin dúkenderdiń biriniń satýshysy habarlasyp, sıpattalǵan adamdyń kórgenin aıtty. Ol birden qolǵa tústi», - dedi polıtsııa departamentinen.
Vedomstvo málimetinshe, tergeý is-qımyldary barysynda atalǵan adamnyń osydan eki kún buryn Qostanaı qalasyndaǵy lombardtan aqsha qarajatyn tonap ketkendigi anyqtaldy. Ol kezde de kúdikti oıynshyq tapanshamen lombard qyzmetkerin qorqytyp, 600 myń teńge alyp ketken. Lomabard qyzmetkeri kúdiktini tanydy. Osylaısha, Qarabalyq aýdanynyń 22 jastaǵy turǵyny ustaldy.
