Oıynshyq kólikti mas kúıinde aıdaǵan brıtandyq júrgizýshi kýáliginen aıyryldy
ASTANA. 12 qańtar. QazAqparat - Brıtanııanyń Stok-on-Trent qalasynyń turǵynyna oıynshyq fýrgondy mas kúıinde júrgizgeni úshin 500 fýnt mólsherinde (820 dollarǵa jýyq) aıyppul salyndy jáne bir jylǵa júrgizýshilik quqyǵynan aıyrdy, dep jazady The Daily Mail gazetine silteme jasap Lenta.ru.
Rıo Berdmor (Rio Beardmore) esimdi 43 jastaǵy temir ustashyny polıtsııa syrahanadan qaıtyp bara jatqan jolda toqtatqan. Onyń astynda jyldamdyǵy saǵatyna on shaqyrymnan aspaıtyn qoldan qurastyrylǵan elektr avtomobıl bolǵan. Berdmordyń aıtýynsha, ol aqshyl-kók Volkswagen shaǵyn avtobýsynyń kishireıtilgen kóshirmesin ózi jasapty.
