Oıynshyq granata jarylyp, áıel zardap shekti
ASTANA. QazAqparat - Býrıatııada kúıeýine syılyq retinde satyp alǵan sývenır granata áıeldiń qolynda jaryldy, dep habarlady kp.ru.
Ýst-Ilımsk qalasynyń turǵyny jubaıyna erekshe syılyq jasamaqshy bolyp, syılyqtar satatyn dúkennan oıynshyq granata satyp alady. Sývenır granata. Alaıda, granata satýshylar aıtqandaı, qaýipsiz bolmaı shyqty. "Áıeldi dene jaraqattarymen jedel járdem qalalyq klınıkalyq aýrýhanaǵa jetkizdi. Granata synyqtarynan qoly zaqymdanyp, kóptegen jaraqattar alǵan", - dep habarlady Býrıatııadaǵy ІІM. Áıel oıynshyqty satyp alǵannan keıin qarap kórmek oımen kólikke otyra bergende kenet qolyndaǵy granatadan ot shyǵyp jarylyp ketedi. "Júkqujaty boıynsha atalmysh taýar Ijevsk qalasynan ákelingeni belgili boldy. Granataǵa saraptama taǵaıyndaldy", - dep túsindirdi ІІM. Ottyń neden, qalaı shyqqany ázirge belgisiz. Sarapshylar granatanyń ishindegi qospany anyqtaýda. Oıynshyq qarýǵa jarylǵysh qospany kim jáne ne salǵany túsiniksiz. Dúkendegiler taýardy «sývenır» degen belgimen alǵandaryn aıtýda. "Qarýdy, onyń negizgi bólikterin, oq-dárilerdi, jarylǵysh zattardy jáne jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese ózimen alyp júrý» 222-baby boıynsha qylmystyq is qozǵaldy». Tergeý júrgizilýde.
